Maître Quad Demeester bier van de maand Delen

Ah ier ze de fanatieke bierproevers

Jest en vooral  vor ollemoalle een machtig en gezond 2025 ! Nu dan de fjestdoagen wa gepasseerd zin, kunnen we were topbiern ‘in the picture’ zetten.

Vandoage es dat ne ‘costeau’van een brun bier, gebrouwn te Lendelee.

Maitre Quad van brouwerie Demeester. Nen Quadruple , jawadde dadde. Dad es ous bier van de moand.

Oje da proeft, eie in de neuze calessie, banan en gedroogd frut met in de smoake volmondig zoet, subtiele sjokla toeten en een licht mout bitterke.

Die alcoholwarmte daje in uw kele voelt, es een unieke ervaring in de koude winterperiode.

Maitre Quad met nen blauwaderkaas es ne perfecte match, made in heaven. Of met nen Boudin noir, echt van lekt min liptje.

Weet je wo daj die beleving kunt meemoaken? Iere, in The Madness, splinternieuwe topzoake ip de Vlasmarkt van Kortrijk. Die machtige uitbaters leggn U ier in de wattn in een uniek en gezellig kader. T es zot!

Ge kunt ier wok wat tofs knabbelen. En binnen X aantal tid, goa je ier wok kunnn sloapn. Wuk peis je doa van.

Kom moa ne kjè af. Ge goat et u nie bekloagen.

Allee, Santé