Petrus Blond bier van de maand Oktober 2024 Delen

Ah ier ze de fanatieke bierproevers
We goan ne kje un ‘Deweverke’ doen. Clavis ad caelum betekent de sleutel tot den heml.  Ous bier van de moand et doarmee te moakn. Wiene et er de sleutel van den heml?
Ah, Petrus é. Dad es ous bier van de moand. Petrus blond. Nen hemelsn deurdrinker.
Oje da proeft, eie in de neuse  finne fruitigheid en wat gist  met in de smoake nen aangenoame fraicheur, een zacht natuurlijk aroma woabie dat de aromahoppn voor de fruitigheid zorgt.   
Simpel en goed, lik de mjeste biern van brouwerie De Brabandere.
De Range van Petrus Traditional eit nen volledige rebranding ondergoan en wok an de smoake zin der gjestige dingskes veranderd.
En vandoage meuge kik die belevinge meemoaken in het prachtig foedercafé van de brouwerie.
Ik bluv het herhalen,  ge riekt en voelt ier ongelwuflijk de passie voor het brouwn.
Nen Culinairn tip? Petrus blond es nen topper bie ne carpaccio van coeur de boeuf en crevetten in veske mayonnaise. Of bie een stikske gerookte paling met een fris slaatje.
Alléé, Santé!