Ah ier ze, de fanatieke bierproevers
December bluft de fjestmoand bie utstek, njè. St nikloa, Kerstavond en oudejaarsavond. Ja, ton eie oalsan cadeautjes nodig. Awel, ik ga ulder ier ne skwone cadeau vornstelln.
En oes bier van de moand eit doa mee te moakn.
St bernardus tripel, da’s ous bier van de moand. Ne klassieker onder de tripels. Een Bernadetje noemen ze dadde ier in de streke rond Watou.
Oje da proeft eije in de neuse wa frisse hoppen, wa gist en een betje zjem, met in de smoake een tongstrelende harmonie van zoet en bitter met een zaligmakende rondheid. Vrej toegankelijk en dorstlessend.
Culinair es St Bernadus tripel wok een sterre. Zelfs bie den apero es ouze tripel van de moand nie me weg te peizen.
En nu doe kik min vertellinge in het machtige Guesthouse van de brouwerie. Echt nen aanroader om ier te verbluvn in een idyllisch koader.
A ja, k zou t biekans vergeten. Oje bie Dranken Pauwels in December nen bak St Bernardus kwopt, krieg je nen bon van dat prachtig guesthouse woabie da jeine perswon betoalt en den anderen vo niet meemag.
Wuk peis je doa van?
Allée, geniet van de fjestdoagn en van mekanders.
Tot noaste joare é!
U kan ons steeds telefonisch contacteren via 056 35 91 88 of vul ons contactformulier in.
Facebook
Twitter
Pinterest
Instagram
.png)