Ypra hoppy alc. 0.4% bier van de maand Delen

Ah ier ze, de fanatieke bierproevers
Tinke me dat diene ‘hype’ van bier met niet veel alcool nen ‘trend’ an kommn es.  Dus oes bier van de moand es alcoolarm, hoppig en fris.
Ypra hoppy 0.4, dad es oes bier van de moand.  Jèn van de peirelkes van Brouwerie Omer Vander Ghinste in Bellegem.
Oje da proeft, eie in de neuze, ne skwone fraicheur van hoppen en citrus, met in de smoake ne zoachtn bittr en ne vivigen fraicheur van citrusfrut.  In feite eje een perfecte balanse tussen  hoppige toetsen en citrustoetsen.
En nu eik ik die smoakbelevinge in het martkaffee, ‘Les Halles’ ip de groate mart van Ieper. Prachtige zoake met een skitterende combinoatje van een grote, toffe bierkoarte en authentieke gerechtn. 
Ypra hoppy 0.4 stoat ier vaste ip de koarte. Oje ne kjè in Ieper zitt, trekt ier mo ne kjè uw fring toe. 
Nen culinairn tip, Ypra hoppy 0.4 past stiff goe bie ne cezarsalad of ne wrap met kiekn, betje pesto, zungedrwoagde tomatjes en wa saloa.
Ypra hoppy free, verrassend, verfrissend, bijkan gein alcool en dorstlessend.
Mjèr eit een goe pinte  nie nwudig.  Te juste hé?
Allé, Santé enhe!